3040 Ha Plaas te koop in die Griekwastad-omgewing
Hierdie uitstekende, goed ontwikkelde gemengde vee- en wildplaas bied 'n besonderse geleentheid vir die koper wat op soek is na 'n produktiewe boerdery met uitstekende infrastruktuur en gevestigde wild.
Die plaas is verdeel in 17 kampe met drade in uitstekende toestand. Water is goed versprei met drie kampe wat elk oor twee suipings beskik, terwyl die res van die kampe elk een suiping het. Water word voorsien deur ses boorgate, waarvan een met 'n dompelpomp toegerus is en vyf met sonpompe. Daar is een sementdam en tien sinkdamme.
Die woonhuis bestaan uit:
3 Slaapkamers
1 Badkamer
Aparte stort en toilet
Kombuis
Spens
Opwasarea
Swembad
3 Vertrekke met lugverkoeling
Pragtige houtvloere
Verbeterings sluit verder in:
2 Toegeboude store
1 Groot oop staalstoor
Netjiese beeshanteringsgeriewe
Skaapkrale
Fasiliteit vir die afronding van skape
Die plaas funksioneer volledig onafhanklik van Eskom met 'n 40 KVA sonkragstelsel en batterye.
Die gebied ontvang gemiddeld ongeveer 280 mm reën per jaar en het 'n drakrag van ongeveer 1 GVE per 18 hektaar. Die plaas bestaan hoofsaaklik uit sagte Kalahari-sandveld met kameeldoring-, witgat- en vaalkameelbome, asook gedeeltes randteveld wat uitstekende weiding bied.
Die hele plaas is omhein met 2.4 m geëlektrifiseerde wildwering en beskik oor 'n geldige omheiningsertifikaat. Binne die plaas is daar ook 'n afsonderlike ±1 000 ha wildskamp wat met 1.8 m geëlektrifiseerde wildwering omhein is.
Wild wat by die verkoop ingesluit is:
±80 Koedoes
±70 Rooibokke
±60 Springbokke
Bergskape
Die huidige beeskudde bestaan uit:
80 Bonsmara-koeie
28 Bovelder-koeie
2 Bonsmara-bulle
'n Lys van los bates en toerusting is beskikbaar en kan afsonderlik met die verkoper onderhandel word.
Hierdie is 'n uitsonderlike geleentheid om 'n volledig ontwikkelde vee- en wildplaas met uitstekende infrastruktuur, betroubare water, moderne sonkrag en gevestigde wildbevolking te bekom. Ideaal vir kommersiële veeproduksie, wildboerdery of 'n kombinasie van beide.
Hierdie tipe plaas kom selde op die mark en kan sterk aanbeveel word vir enige koper wat 'n instap-en-boer-plaas soek. Hierdie is 'n besonderse belegging waar alles reeds in plek is om die boerdery sonder onderbreking voort te sit.